Inhaltsverzeichnis

 

 

 

 

 

 

 

 

 

Au wenn dr’s kurz da Arsch versaut,

trenk roha Saft vom Sauerkraut!

Et bloß a bissle, noi, viel mei

a Schüssel vool leersch en di nei!

Drei Stond hosch Rua, jedoch drnach

goht’s langsam los, des isch a Sach!

Em Bauch rumort der rohe Saft

mr spürt’s direkt, wia der dort schafft.

Wia Donnergrolla hört sich’s a,

jetzt nex wia naus ond d’Hosa ra!

Z’airschta bleibscht a Weile hocka,

Fürzla kommat, ’s blost no trocka.

Jetzt lescht die Fidle z’airscht mol schnaufa

doch glei dernach, do kommt a Haufa,

des isch no a verhockta Sach

so richtig los goht’s airscht drnach:

Ganz plötzlich hoißt’s do „Wasser marsch!“

Zom Riesa-Strahlrohr wird dr Arsch

ond jetzatle kommt bloß no Bria

ond wia dui kommt, frog mi et wia!

Des isch oi oizger Wasserstrahl,

dr Abee wird zom Wasserfall.

Mehrmols denkscht: Jetzt isch vorbei,

doch mehrmols zischt’s no hendadrei.

Isch no mol Schluss, no plädrats no,

dr Saft hot jetzt sei Wirkong do.

Dr Arsch isch jetzt ganz hoiß, verschwitzt

ond dronder d’Klobrill brau verspritzt.

Doch boides kriagt mir sauber na,

mr putzt da Arsch, lässt Wasser na

ond jetzat isch’s oim pudelwohl

vom roha Saft vom Sauerkohl.

Drnach, was soll I jetzt no sa?

Am beschta gosch en Keller na

ond holsch dr dort a Fläschle Wei,

denn des passt emmer hendadrei.